အီရန္မွာ အမ်ဳိးသမီးေတြကို ေဘာလုံးပြဲ ၾကည့္္႐ႈခြင့္ ေပး

0
87

အီရန္ႏုိင္ငံမွာ ႏွစ္ေပါင္း ၃၇ ႏွစ္အတြင္း ပထမဆုံးအျဖစ္ အမ်ဳိးသမီးေတြကို ေဘာလုံးပြဲၾကည့္ခြင့္ ခြင့္ျပဳလုိက္ပါတယ္။ တီဟီရန္မွာ က်င္းပတဲ့ ထိပ္တန္းလိဂ္ေဘာလုံးပြဲ ဗုိလ္လုပြဲကုိ အမ်ဳိးသမီး ရာေပါင္းမ်ားစြာ ၀င္ေရာက္ၾကည့္႐ႈခြင့္ရတာလည္း ျဖစ္ပါတယ္။ အာရွခ်န္ပီယံလိဂ္ ေနာက္ဆုံးဗိုလ္လုပြဲကို တက္ေရာက္ၾကည့္႐ႈၾကသူ ခန္႔မွန္း ၈၀၀၀ ၀န္းက်င္မွာ အမ်ဳိးသမီးေတြကို အမ်ဳိးသားေတြနဲ႔ သီးသန္းခြဲထားၿပီး ၾကည့္႐ႈခြင့္ေပးတာျဖစ္ၿပီး ေဘာလုံးပြဲလာၾကည့္တဲ့ အမ်ဳိးသမီးဦးေရဟာ ၅၀၀ နီးပါး ရွိေနပါတယ္။

အမ်ားစုကေတာ့ ကစားသမားေတြရဲ႕ ေဆြမ်ဳိးသားခ်င္းေတြ၊ အမ်ဳိးသမီးအသင္းေတြရဲ႕ အဖြဲ႔၀င္ေတြ ျဖစ္ၾကပါတယ္။ ဒါေပမယ့္ ဒီၾကည့္႐ႈခြင့္ေပးလိုက္တာဟာ အမ်ိဳးသမီးေတြကုိ ထိပ္တန္းပြဲစဥ္ေတြ ၾကည့္႐ႈခြင့္ ပိ္တ္ထားတာရဲ႕ အဆုံးသတ္လည္း ျဖစ္ႏုိင္ပါတယ္။ ဒီလို အမ်ဳိးသမီးေတြကို ေဘာလုံးပြဲ ၾကည့္႐ႈခြင့္ ပိတ္ထားတဲ့ တားျမစ္ခ်က္ကို ပယ္ဖ်က္ေရး ကမာၻ႔ေဘာလုံးအဖြဲ႔ခ်ဳပ္ Fifa နဲ႔ အီရန္္တို႔က ပူးေပါင္းေဆာင္ရြက္ေနတာပဲ ျဖစ္ပါတယ္။

အီရန္မွာ အစၥလာမၼစ္ေတာ္လွန္ေရးေနာက္ပိုင္း ၃၉ ႏွစ္အၾကာအထိ အမ်ဳိးသားေတြရဲ႕ အားကစားပြြဲေတာ္ေတြကို အမ်ဳိးသမီးနဲ႔ မိန္းကေလးေတြကို ၾကည့္႐ႈခြင့္ ပိတ္ထားခဲ့တာပဲ ျဖစ္ပါတယ္။ ၁၉၈၁ ခုႏစ္ကစၿပီး ထိပ္တန္းကလပ္အသင္းေတြ ကစားေတြ ပြဲစဥ္ေတြကို ၾကည့္႐ႈခြင့္ မရေတာ့ေပမယ့္ ႏိုင္ငံျခားအမ်ဳိးသမီးပရိသတ္ေတြကို တစ္ခ်ဳိ႕ပြဲစဥ္ေတြ ေပး၀င္ၾကည့္ခြင့္ ျပဳခဲ့ပါတယ္။

ဂ်ပန္အသင္း Kashima နဲ႔ ျပည္တြင္း Persepolis အသင္းတို႔ရဲ႕ ေနာက္ဆုံးဗိုလ္လုပြဲစဥ္ကို Azadi အားကစားကြင္းမွာ က်င္းပရာ အမ်ဳိးသမီးေတြ အမ်ားအျပား လာေရာက္ၾကည့္႐ႈေၾကာင္း အစိုးရအာေဘာ္တစ္္ပိုင္း Tasnim သတင္းက ေဖာ္ျပခဲ့ပါတယ္။ အဆိုပါ ပြဲစဥ္မွာ အိမ္ရွင္အီရန္အသင္္း ႐ႈံးခဲ့ပါတယ္။

မတ္လအတြင္းမက အိမ္ရွင္အသင္းႏွစ္သင္း ယွဥ္ၿပိဳင္တဲ့ ေဘာလုံးပြဲကို ၾကည့္႐ႈဖို႔ ႀကိဳးစားသူ အမ်ဳိးသမီး ၃၅ ဦးကို ဖမ္းဆီးထိန္းသိမ္းမႈ ျဖစ္ခဲ့ပါတယ္။ ဒါေပမယ့္ ဇြန္လမွာေတာ့ ကမာၻ႔ဖလားမွွာ စပိန္နဲ႔ ကန္တဲ့ အမ်ဳိးသားအသင္းရဲ႕ ပြဲစဥ္ကို အမ်ဳိးသမီးေတြကို ၾကည့္႐ႈခြင့္ ေပးခဲ့ျပန္ပါတယ္။ အီရန္နဲ႔ ဘိုလီးဗီးယားတို႔ရဲ႕ ခ်စ္ၾကည္ေရးပြဲစဥ္ကို အမ်ဳိးသမီး ၁၀၀ နီးပါးအား ၾကည့္္႐ႈခြင့္ေပးလိုက္ေပမယ့္ ေနာက္ပိုင္းမွာ ခ်က္ခ်င္းပဲ စည္းမ်ဥ္းတင္းက်ပ္မႈကို ျပန္က်င့္သုံးလာေတာ့တာပဲ ျဖစ္ပါတယ္။

Rf; Independent
Writer_ေမာင္သံဆင့္ ( Daily Hot News )

( Unicode )

အီရန်မှာ အမျိုးသမီးတွေကို ဘောလုံးပွဲ ကြည့််ရှုခွင့် ပေး

အီရန်နိုင်ငံမှာ နှစ်ပေါင်း ၃၇ နှစ်အတွင်း ပထမဆုံးအဖြစ် အမျိုးသမီးတွေကို ဘောလုံးပွဲကြည့်ခွင့် ခွင့်ပြုလိုက်ပါတယ်။ တီဟီရန်မှာ ကျင်းပတဲ့ ထိပ်တန်းလိဂ်ဘောလုံးပွဲ ဗိုလ်လုပွဲကို အမျိုးသမီး ရာပေါင်းများစွာ ၀င်ရောက်ကြည့်ရှုခွင့်ရတာလည်း ဖြစ်ပါတယ်။ အာရှချန်ပီယံလိဂ် နောက်ဆုံးဗိုလ်လုပွဲကို တက်ရောက်ကြည့်ရှုကြသူ ခန့်မှန်း ၈၀၀၀ ၀န်းကျင်မှာ အမျိုးသမီးတွေကို အမျိုးသားတွေနဲ့ သီးသန်းခွဲထားပြီး ကြည့်ရှုခွင့်ပေးတာဖြစ်ပြီး ဘောလုံးပွဲလာကြည့်တဲ့ အမျိုးသမီးဦးရေဟာ ၅၀၀ နီးပါး ရှိနေပါတယ်။

အများစုကတော့ ကစားသမားတွေရဲ့ ဆွေမျိုးသားချင်းတွေ၊ အမျိုးသမီးအသင်းတွေရဲ့ အဖွဲ့ဝင်တွေ ဖြစ်ကြပါတယ်။ ဒါပေမယ့် ဒီကြည့်ရှုခွင့်ပေးလိုက်တာဟာ အမျိုးသမီးတွေကို ထိပ်တန်းပွဲစဉ်တွေ ကြည့်ရှုခွင့် ပိ်တ်ထားတာရဲ့ အဆုံးသတ်လည်း ဖြစ်နိုင်ပါတယ်။ ဒီလို အမျိုးသမီးတွေကို ဘောလုံးပွဲ ကြည့်ရှုခွင့် ပိတ်ထားတဲ့ တားမြစ်ချက်ကို ပယ်ဖျက်ရေး ကမ္ဘာ့ဘောလုံးအဖွဲ့ချုပ် Fifa နဲ့ အီရန််တို့က ပူးပေါင်းဆောင်ရွက်နေတာပဲ ဖြစ်ပါတယ်။

အီရန်မှာ အစ္စလာမ္မစ်တော်လှန်ရေးနောက်ပိုင်း ၃၉ နှစ်အကြာအထိ အမျိုးသားတွေရဲ့ အားကစားပွွဲတော်တွေကို အမျိုးသမီးနဲ့ မိန်းကလေးတွေကို ကြည့်ရှုခွင့် ပိတ်ထားခဲ့တာပဲ ဖြစ်ပါတယ်။
၁၉၈၁ ခုနစ်ကစပြီး ထိပ်တန်းကလပ်အသင်းတွေ ကစားတွေ ပွဲစဉ်တွေကို ကြည့်ရှုခွင့် မရတော့ပေမယ့် နိုင်ငံခြားအမျိုးသမီးပရိသတ်တွေကို တစ်ချို့ပွဲစဉ်တွေ ပေးဝင်ကြည့်ခွင့် ပြုခဲ့ပါတယ်။
ဂျပန်အသင်း Kashima နဲ့ ပြည်တွင်း Persepolis အသင်းတို့ရဲ့ နောက်ဆုံးဗိုလ်လုပွဲစဉ်ကို Azadi အားကစားကွင်းမှာ ကျင်းပရာ အမျိုးသမီးတွေ အများအပြား လာရောက်ကြည့်ရှုကြောင်း အစိုးရအာဘော်တစ််ပိုင်း Tasnim သတင်းက ဖော်ပြခဲ့ပါတယ်။ အဆိုပါ ပွဲစဉ်မှာ အိမ်ရှင်အီရန်အသင််း ရှုံးခဲ့ပါတယ်။

မတ်လအတွင်းမက အိမ်ရှင်အသင်းနှစ်သင်း ယှဉ်ပြိုင်တဲ့ ဘောလုံးပွဲကို ကြည့်ရှုဖို့ ကြိုးစားသူ အမျိုးသမီး ၃၅ ဦးကို ဖမ်းဆီးထိန်းသိမ်းမှု ဖြစ်ခဲ့ပါတယ်။ ဒါပေမယ့် ဇွန်လမှာတော့ ကမ္ဘာ့ဖလားမှှာ စပိန်နဲ့ ကန်တဲ့ အမျိုးသားအသင်းရဲ့ ပွဲစဉ်ကို အမျိုးသမီးတွေကို ကြည့်ရှုခွင့် ပေးခဲ့ပြန်ပါတယ်။ အီရန်နဲ့ ဘိုလီးဗီးယားတို့ရဲ့ ချစ်ကြည်ရေးပွဲစဉ်ကို အမျိုးသမီး ၁၀၀ နီးပါးအား ကြည့််ရှုခွင့်ပေးလိုက်ပေမယ့် နောက်ပိုင်းမှာ ချက်ချင်းပဲ စည်းမျဉ်းတင်းကျပ်မှုကို ပြန်ကျင့်သုံးလာတော့တာပဲ ဖြစ်ပါတယ်။

Rf; Independent
Writer_မောင်သံဆင့် ( Daily Hot News )